Djóraverndarfelagið mælir øllum hunda- og kettueigarum at kippmerkja djór síni, umframt at geva teimum hálsreim við navni og telefonnummari.

Kippmerkið er eitt evarska lítið kipp, sum djóralæknin setur undir húðina á djórinum. Kippið er forrita við einum eyðkennisnummari, sum tengir teg saman við djórinum. Djóralæknarnir umsita hendan dátugrunn.

Eitt kippmerkt djór kemur skjótari heimaftur. Somuleiðis er galdandi fyri djór við eitt nú hálsbandi við navnaskelti og telefonnummari. Tó skal viðmerkjast, at vandi er fyri, at djórini missa hálsbandi.

Tilmælt verður tí at brúka bæði kipp og annað frámerki.

Djóraverndarfelagið, løgreglan og djóralæknarnir hava øll hvør sín kipplesara.